姐夫無聊日記

快樂阿四

jjjefff — Tue, 10 Jun 2008 21:26:28 +0800

完全沒對比
給予沒餘地
完全為你不計較場地
未算太過稀奇
不知怎說起
就算怎都不抱怨至死”

做了勤力阿四一周多了... 這幾日我都跑來跑去，家中為小BB添了不多新東西。一連３天的端午節假期都變成”工作天”。現在感到做爸爸的責任很重大耶，又累卻開心。　

”爸爸，這幾天辛苦了你啦～”　眼睛好像在說話。（其實是設計對白）

寶寶團團轉

jjjefff — Sun, 08 Jun 2008 22:43:52 +0800

沒有試過為一個人這樣忙的...　擔心他吃不飽，擔心他哭到太慘。　為他買新玩具，用品。嘩～想不到做人爸親要想那樣多。

(閱讀全文)

世紀時刻...

jjjefff — Sat, 31 May 2008 23:15:57 +0800

5月31日上午9時28分,我個仔出世了. 他7磅9安士, 哭起來震耳欲聾...XD

(閱讀全文)

置業

jjjefff — Wed, 28 May 2008 21:01:28 +0800

香港人最大壓力當然是置業買房子．動不動就要幾百萬元，不是所有人都應付得來．今日就有朋友檢收新房子，房子是在我的屋苑附近，又可以做鄰居了．．．

其實香港中產人仕是最苦的．公屋又超過限額，買私人樓宇又沒有太大經濟能力．政府是否可以多為我們這些中產推出多點措施幫助一下呢？

好味海南雞飯

jjjefff — Tue, 27 May 2008 13:52:27 +0800

下星期公司會搬去荃灣．同事們把握最後機會，中午飯一定去找好東西大吃大喝吧．今日我們就去了北角一間叫皇泰極的店子吃它出名的泰式海南雞啦．”咪走雞嘛”（不會走寶啦）

你知不知道海南島沒有海南雞飯，正如福建沒有福建炒飯和上海灘沒有出現過丁力這個人一樣．名字而己，不要深究，好味就OKEY 吧．

這次已是我第３次來吃，依然覺得這個店子的雞又新鮮又肥美，入口那些鮮嫰的黃油雞，彈牙有口勁～好味！　肉質嫰滑不老．隻隻雞都是新鮮即日造的，怪不得享譽盛名！

一行９個男女，之後吃甜品，一咸一甜，百般滋味在心頭．北角，我有點不捨得你！

鎮店之寶～　黃油海南雞配雞油飯，是減肥女士的克星！盛惠HK $35.

熱

jjjefff — Tue, 27 May 2008 09:14:24 +0800

不知不覺原來有一周沒有update BLOG，時間真是走得快．

最近香港天氣十分炎熱．最好當然是躲在室內享受冷氣．上班／下班是最”汗”的時候了．又是最想快點過的時候．．．　一班陌生人擠在車相，原來已是苦，加上陣陣飄來的汗氣．x_x

熱～～～還會陸續有來吧，夏天才開始吧．冷氣可能是最偉大的發明．I LOVE YOU!

汶川大地震遇难同胞网络公祭活动

jjjefff — Sun, 18 May 2008 11:02:09 +0800

為表對廣大四川受災同胞一點心意，請向遇難同胞獻一束花及留言：

http://512.china5000.org.cn/

保險，唔保險?

jjjefff — Sat, 17 May 2008 23:15:52 +0800

今日下晝約左個新既保險Agent傾轉plan，順便下午茶。諗起可以將舊o個個既衰鬼Agent一腳踢走，真開心！

我怕之後又試唔記得買左乜，依家寫低先：同Agent買左另加住院／住院入息／意外，保額高過以前個份，除開又平左。人壽供夠左。
意外原來只包人為造成既意外，唔係人為既呢，sorry啦，唔包，例如：地震，雪災，海潚，戰爭同自殺。
如果大吉利是，瓜左當然有得陪人壽；住院就係保障你如果要入院住既醫療開支；住院入息係你入左醫院做唔到野無入息，保險公司每日畀你的錢。(我覺得D Term好悶又煩...）

其實唔明天災點解唔係意外，無得賠？但係RULE係佢定既，所以買保險有時都唔保得晒你架。所以能力許可，要買夠先好同了解詳情。

搵工跳槽

jjjefff — Fri, 16 May 2008 21:46:46 +0800

今日隔籬組有個靚女同事LAST DAY。雖然平時同佢無乜２句，但係今日佢竟然走埋嚟我個位同我吹水吹左好耐。

佢話CONTRACT完左後轉去做Management Solutions IT。佢都有心理準備，因為同而家Internal既工作性質都幾唔同。

Internal 指對內工作，服侍都係自己公司既人，梗係會HEA o的，但有時做慣做熟左又會幾悶；Solutions IT要對外唔同既客戶工作，跟唔同projects。因為要接觸唔同既CLIENT，會有多Ｄ新鮮感，又可以”吸”到唔同既Skillset，但缺點係要好搏殺，對住Ｄ要求高既CLIENT壓力好大。

有個奇想：如果有份工，做到悶呢可以調去對外；一見到Ｄ麻煩client或唔斷尾既project又可以調番internal，就幾好呢！

賬災義賣AV

jjjefff — Thu, 15 May 2008 22:38:45 +0800

災情好嚴重啊！快Ｄ支持賬災。捐血，捐錢，捐衣物同義賣非洲紫羅蘭。

無睇錯！我就諗住義賣非洲紫羅蘭(AV)啦。岩岩係平時去開既HKPLANTS度睇度有AV義賣，梗係要支持。（義賣詳情）

種左AV一年多囉。一開始係老豆畀盆我係公司試種。點知又種佢唔死，到開花。心癮起啦，得閒去日X城買＄19.5既AV。不知不覺有十幾盆不同種。之後又玩插枝繁殖，１變２，２變４...噢！整到成個屋企同公司都係AV。最近玩DELUXE，去花墟買”名種”(既係有名既姐）AV 。幾十蚊一盆都幾肉痛。

依家有AV義賣，名正言順，又幫到災民，聽日仲唔BID多幾盆！

喂喂！你又用乜野方法支持賬災呢？

慘情，溫情

jjjefff — Thu, 15 May 2008 08:54:53 +0800

大災難後一定會有一種夾雜豐富情感，這次四川大地震都不會例外．以下是一些點滴．．．

據首先進入汶川的解放軍指揮官表示，汶川八個鎮幾乎都已夷平，其中映秀鎮本有一萬二千多常住居民，現在只有生還者二千三百人。
(星島) 05月 15日

看見溫總，身穿黃色上衣的劉小樺，終於忍不住失去親人的痛苦，哭出聲來。之後溫家寶哽咽著抓起她的手，用力地握說：「我應該把你們照顧好。「爸爸媽媽還在嗎？」「不在了。」面對孤兒，溫家寶動情地說，「政府要管你們的生活，你們在這里就像在自己家里一樣。」。「這是一場災難，你們幸存下來了，就要好好活下去。好嗎？有甚麼困難，將來政府都要管。」他告訴孤兒，告訴大家，要在災難中學會生存，一定要更加堅強。要更加好好地活?，更加珍惜生命，珍惜時間，珍惜一切。

．．．在一處嚴重損毀的屋角處，赫然發現驚人而令人肅然的一幕：這處牆壁已經平移了四五米，壓在兩個大人身上，兩人已不幸遇難，不過，在他們身下，一名小女孩仍然眨?大眼睛。由於整個移位的牆壁壓在大人和小女孩身上，絲毫不能移動，官兵們沒有合適的工具，無法將人救出。人們紛紛談論，將孩子護在身下的，肯定是小女孩的家長，危難關頭，父母以自己的生命換取了孩子的平安。

「我侄女是高二一班的學生，要不是有他們老師在上面護?，這4個娃兒一個也活不了！」被救女生劉紅麗的舅舅對記者說。劉舅舅眼圈紅?說，「唉！他可是個大好人，大英雄噢！」捨身救學生的英雄教師名叫譚千秋，他的遺體是13日22時12分從廢墟中扒出來。「我們發現他的時候，他雙臂張開?趴在課桌上，身下死死地護?四個學生，四個學生都活了！」一位救援人員描述?當時的場景。譚老師的妻子張關蓉得悉噩耗後趕到停屍場，撲到丈夫的遺體上放聲慟哭。

(都市) 05月 15日

災難，人生，是否都一樣充滿喜和哀？

同場加映：日出咸蛋黃

jjjefff — Thu, 15 May 2008 06:08:53 +0800

今日晨都無咁早就起身?! 唔通好似D人講，人越老越訓唔到，嗚～～刷完牙，淋埋花，都係６：１２，噢ＮＯ！

其實係禽晚我地早左訓，唔知會早咁多起身喎。不過咁就造就左我有機會睇到好似咸蛋黃咁大既日出，都幾靚。

第一次

jjjefff — Wed, 14 May 2008 20:31:35 +0800

"第一次"　對不同人有不同反應吧。第一次返學，好緊張？好期待？第一次要面對群眾上台表演？驚到之前果晚訓唔著。第一次約會心儀既男/女仔呢？@.@"

最近好多人都問我：你第一次做爸爸緊唔緊張喎，陪老婆生驚唔驚丫？我實答你：”唔緊張，唔驚，無野丫。嗯...可能到時會緊張都未定架！”　問男人驚唔驚，緊唔緊張喎，點會話怕架！　ＭＡＮ　Ｄ嘛。

講真丫，就算係ＦＯＲＵＭ睇人講幾多心得都係假，未經歷就未經歷過。好似第一次返學實會驚Ｄ架，都話明係第一次嘛。＠＠

不過我個人呢係個種...之前唔會諗咁多，”煮到嚟就食”的樂天派，加上到時有亞爸亞媽support嘛，No problem...

四川地震隨想

jjjefff — Tue, 13 May 2008 20:16:16 +0800

四川汶川於5月12日下午2時38分發生了7.8級強烈地震, 威力強大,以至遠至北京、上海都感受到震動有建築物搖晃，是中國近代繼唐山大地震來最嚴重的地震事件.

截至現在時間, 至少造成萬二人死，但仍有大批災民被活埋。失踪人數有6萬人。天雨及道路阻塞拖慢救災進度，恐怕死傷人數會進一步上升。

人禍或說可以防範，天災必定躲不了。最苦是四川民眾，他們是中國窮困的一群人，辛辛苦苦在山多平地少的環境求存，現在又要面對地震的無情。真希望他們堅持下去。

今夜看了很多新聞片段，感受最深是有2個情景：溫總走到災塲前和人員一起救災，拿著擴音器震奮仕氣；二是一所工廠倒塌了，但救援人員還未到逹，一些幸免於難的民工自行拯救其他同事的情況。

前者看到為官走入人群了，連大陸政府都做到這點了。雖然溫總這類大人物去到災場吶喊打氣，我不知道對拯救人員有多少實質的鼓勵。但至少他的行為令百姓感到他很親民愛民，外國政府不會又對中國政府說三道四吧。

後者可以看到人性的溫暖一面，人到生命臨一線時，可以不分你我去互相幫助。有時會想到香港如果發生地震的話，我們否像他們的互相幫助呢? 香港人情薄如紙? 還是血濃如水?

香港是一個福地，沒有地震,天災只有暴雨風暴吧。下次有風球近時，我們還會希望8號風球打得成來休假一天嗎?

節目後遺症. 糊~小肥變大肥

jjjefff — Mon, 12 May 2008 08:30:33 +0800

禽日係一年一度既母親節. 身為乖仔既我又點會無動於衷呢? 實行叫埋大佬家姐同亞媽去酒樓吃點心啦.

全場爆滿, 人聲鼎沸, 應該係全港酒樓的寫照掛,就連平日假日唔FULL,或品質劣評既酒樓都人山人海. 繼情人節後, 母親節可能係商家最發既節目之一...

點心係發明得最SMART 的食物, 碟碟又細又整得精美, 蝦鮫,燒賣,牛肉, 連本來好唔靚仔既雞腳都改名都'鳳爪'喎. (諗呢名o個個真係勁!) 食點心好似食壽司一樣,係不知不覺咁食下又食下, 有點飽,飽啦, 好飽,超飽... 係一粒飯無食情況下都好飽既, 只有食點心!

過節目最開心係同屋企人過, o殊一聲又過了. 快樂過後又好快發覺個人又肥左...條車軚又出現啦~~~前日去飲,禽日又咁,一向有好好'儲糧體能'既我又點唔會'積榖防饑'呢?睇呢又要努力游水CONTROL下啦~~